laugardagur, 31. desember 2011

Stúdíur með Mola



Moli fylgist vel með öllu sem gerist úti í nóttinni



Moli hvílir sig í silkinu



Moli hefur loksins sæst við jólatréð

laugardagur, 24. desember 2011

Jólin komin

Hér er nýjasti meðlimur fjölskyldunnar kominn með jólaslaufu og hvílir lúin bein. Mikið hefur gengið á í lífi Mola síðan nokkrir tugir minka sluppu úr búinu hérna í dalnum. Gott er að gleyma því  og kúra í sófanum við ljúfan kórsöng...

Gleðileg Jól kæru vinir!




laugardagur, 22. október 2011

Að treysta...

Þrátt fyrir að blekbyttan sé í vasanum og einnig nýjar olíukrítar, þá held ég áfram að vinna mestmegnis í línu - kannski vegna þess að ég treysti ekki mótífinu. Finnst ég ekki getað leyft mér að byrja öðruvísi en að krota útlínur... Legg ekki í að skoða heildina fyrst, einfalda og vinna svo smátt og smátt í átt að smáatriðum... sem verða miklu áhrifameiri ef þau koma eðlilega í stað þess að strax krota þetta svona. Jæja - svona er þetta núna. Verð vonandi sterkari á svellinu fljótlega og hlakka til að treysta aftur á lífið.



Meistari Jóhann Axelsson segir Páli á Húsafelli frá...


Vinkonur á Kaffi tári



Gluggað í bók á Kaffitári



Klárar og skemmtilegar á Kaffitár



Á Súfistanum Eymundsson laugarvegi nú í kvöld


Á Súfistanum Eymundsson laugarvegi nú í kvöld


(Viðbót 7.1.2012) Hér er svo ein mynd sem gleymdist frá þessu tímabili (reyndar gerð daginn fyrir fyrsta uppskurð!)

Hjálmar (Datamarket) og Þórlindur Kjartansson spá í úrvinnslu gagna á Kaffitári...

fimmtudagur, 22. september 2011

Að sjá vatnsliti aftur

Ég hef aðeins getað komist í gang með vatnslitina á þessum 10 dögum sem við dvöldum í París. Það er alltaf jafn erfitt að byrja, og maður er alltaf jafn hissa hvernig litirnir hegða sér. Þeir dofna alltaf. Lærði aðeins aftur á þetta - náði að gera þessar þrjár myndir í Jardin du Luxembourg og er sæmilega ánægður. Vonandi tekst mér að halda áfram og fást þá við haustbirtuna hérna heima.














Að dunda mér í uppáhalds garðinum mínum Jard d'Lux!



Mynd að fæðast...



Jardin des Plantes og testofan í Paris Mosque

Borðdúkar

Í París eru frábær veitingahús, og oft eru borðdúkarnir úr pappír sem þjóninn krotar niður pöntunina á. Ég fór að krota myndir af Björk á nokkrum af þeim stöðum sem við heimsóttum í síðustu viku..



Mirabelle og Tatin tarte sneiðar á Bistró des Panoramas



"Ef þú vilt ekki þessa mynd þá mun ég hirða hana!" sagði þjónninn



Björk var alveg heilluð á Chartier enda frábær og ógleymanlegur



"Jæja Picasso - hér kemur maturinn" sagði þjóninn á Le Petit Saint Benoit

Fantasíur

Læt hér flakka nokkrar fantasíumyndir.... ósköp meinlausar.


Svo var dansað alla nóttina á gula sandinum við vatnið



Rassálfinum tókst að fela sig bakvið salatið sem var erfitt viðureignar





Sumar teikningar

Hér eru nokkrar skissur frá því í sumar. Hef minnkað komur mínar á kaffihús,  og dvel lengur í sveitinni þar sem maður hefur komið sér fyrir á æskustöðvunum. Helsta erindið í bæinn hefur verið að keyra út salatið tvisvar í viku á betri staði bæjarins! Svo er ágætt að fá sér tebolla á Kaffitári og og sjá hvort eitthvað kemur úr pennanum. Með sumar af þessum myndum hefði kannski verið betra að segja að blekið væri búið.


Mótíf sem ég og Ástríður frænka spreittum okkur á nú í septemberbyrjun.



Valdimar undirbýr næsta tíma



!



Frá Kaffitári



Frá Mokka



Skotta að hugsa



Skotta að stúdera



Frá Kaffitári



Frá tölvuverinu Kaffitári

sunnudagur, 3. júlí 2011

Portrett myndir fyrir slikk!

Skrapp til Hólmavíkur til að teikna portrett á Hamingjudögum 2011. Það var stanslaust teiknað frá 10-12 og 13-18 þrjá daga í röð. Gerði yfir 20 myndir - hér að neðan eru nokkrar þeirra.
Fyrstur reið á vaðið Eyjólfur skákmaður og jazzgeggjari. Þetta var mikið puð og pína, en samt rosa gaman!
Í dagskrá hamingjudaga stóð eftirfarandi:
Tómas Ponzi teiknar portrettmyndir á 20 mín. inni á Kaffi Galdri. Einstakt tækifæri til að fá fallega mynd af sér á aðeins 1.200 kr.

Lúinn og þreyttur. "Hvar er næsta módel?"





























Teiknaði margar gullfallegar stúlkur eins og þessa

Galdra Lalli á nýju brókinni vakti mikla athygli - gjörsamlega geggjaður!

Takk Siggi Alta fyrir móttökurnar og aðstöðuna, Ásdís fyrir gistingu og Silja fyrir fínar ljósmyndir!

Næst er bara að skella sér í portrettmyndasmíð á laugaveginum RVK.