miðvikudagur, 11. maí 2011

Gamalt og nokkrar nýjar

Ég hef verið óhemju latur í því að sinna teikningunni og eiginlega öllu sem tengist því að vera andlegur og næra þarmeð sálartetrið. Ég læt þessar myndir samt flakka - þær nýjustu efst. Þetta er skítlélegt í heildina - stíft kúlupennakrot mestmegnis, en það má alltaf skoða þetta til að læra af og reyna að bæta sig. Ég veit að ég var að verða fastur í kúlupennanum og vil helst losna undan honum. Það stendur til bóta. Myndin sem ég gerði í dag af Einari gefur mér smá von um að eitthvað skárra sé að vænta og ekki má gleyma sólinni síðustu daga sem lætur allt gott brjótast fram.

Einar Guðjónsson il patrone sestur úti á Mokka til að spjalla


Hér eru Finnur Arnar, Hilmar í Morkinskinnu og svo Ríkharður Valtingojer í sólinni fyrir utan Mokka 


Bjarni Bernharður les fyrir okkur úr nýju ljóðabókinni sinni "Undir Tjaldhimni Veruleikans"


Gluggað í tímarit


Á Mokka


Fín frú og skáldið á horninu.


Í kjól og lopapeysu


Náttúrunnar skilningsljós vinna verkefni um Descartes á Gráa Kettinum


Þjónustustúlkan á Gráa Kettinum


Jón Axel á Mokka


Les sálarfræði á Mokka


Hafsteinn Austmann


Vinkonur á Kaffi Tári í janúar


Frosti vippaði sér af hjólinu og leit við á kaffihúsið.